Böyük Britaniyanın müdafiə naziri Ben Uolles Şimali Atlantika Alyansının (NATO) yeni Baş katibi olmaqdan məmnun olacağını deyib.
APA-nın Britaniya bürosunun xəbərinə görə, bu barədə o, Almaniyanın DPA agentliyinə öz fikrini bildirib.
"Mən həmişə demişəm ki, bu, yaxşı işdir. Bu, mənim sevəcəyim bir işdir. NATO-nun Baş Katibi olmaq fantastik iş olardı və alyans bizim ümumi təhlükəsizliyimiz üçün son dərəcə vacibdir. Gecələr rahat yatmağımızı təmin etmək üçün əlimdən gələni etməkdən məmnun olaram", - deyə nazir vurğulayıb.
Eyni zamanda, Ben Uolles indiki mövqeyinin də onu qane etdiyini açıq şəkildə ifadə edib.
Qeyd edək ki, mayın 15-də NATO-nun Baş katibi Yens Stoltenberq 2023-cü ilin payızında səlahiyyət müddəti başa çatdıqdan sonra bu vəzifəni tərk etmək niyyətində olduğunu təsdiqləyib. O, həmçinin alyans ölkələrinin ona əla varis tapa biləcəyinə əminliyini ifadə edib. Y. Stoltenberq 2014-cü ilin sonundan NATO-nun Baş katibdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
