Estoniya 2027-ci ilə qədər Ukraynaya 1,2 milyard avro məbləğində yardım edəcək.
APA xəbər verir ki, bu barədə Estoniya Prezidenti Alar Karis bildirib.
Karis bu fikirləri Tallində Ukrayna Prezidenti Vladimir Zelenski ilə birgə keçirdiyi mətbuat konfransında səsləndirib.
“Aİ çərçivəsində biz artıq Ukraynaya təxminən 5 milyard avro məbləğində dəstək vermişik. Bu dəstək davam etdirilməlidir. Estoniyanın 2027-ci ilə qədər uzunmüddətli töhfəsi 1,2 milyard avro təşkil edəcək. Ukraynanın daha çox və daha yaxşı silahlara ehtiyacı var”, - Karis vurğulayıb.
O əlavə edib ki, Aİ silah istehsalını artırmalıdır ki, Ukrayna ehtiyac duyduğu hər şeyi “sabah yox, bu gün” ala bilsin.
“Bizim hərəkətlərimiz gələcəkdə Avropada istənilən təcavüzkar müharibənin qarşısını almağa yönəldilməlidir. Müharibə davam etdikcə Ukrayna Estoniyadan dəstək alacaq”, - Karis əlavə edib.
Prezident həmçinin qeyd edib ki, Estoniya hər il Ukraynaya ölkənin müdafiə büdcəsinin 0,25%-ni verəcək.
“Və biz hamını Rusiya müharibəsini dayandırana qədər Ukraynaya bacardığı qədər yardım etməyə çağırırıq”, - o vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
