Avropa

Ana səhifə

Avropa

Fransa 15 ölkə ilə nüvə sənayesində Rusiyadan asılılığı azaltmaq üçün tədbirləri müzakirə edəcək

16 may 2023 07:17 (UTC +04:00)

Fransanın enerji keçid naziri Agnès Pannier-Ryunaşe çərşənbə axşamı Parisdə Avropa İttifaqının 14 ölkəsindən və Böyük Britaniyadan olan həmkarları ilə Rusiyadan nüvə asılılığının azaldılması yollarını müzakirə etmək üçün görüşəcək.
APA xəbər verir ki,bu barədə bazar ertəsi AFP departament rəhbərinə yaxın mənbəyə istinadən məlumat yayıb.
Agentliyin məlumatına görə, görüş Parisin təşəbbüsü ilə martda yaradılan atom enerjisi üzrə Avropa dövlətlərinin alyansı çərçivəsində keçiriləcək.
Pannier-Ryunaşe ilə yanaşı, Belçika, Bolqarıstan, Macarıstan, Niderland, Polşa, Rumıniya, Slovakiya, Sloveniya, Finlandiya, Xorvatiya, Çexiya, İsveç və Estoniyanın energetika nazirliklərinin rəhbərləri də iştirak edəcək. Böyük Britaniya təmsilçisi xüsusi qonaq, İtaliya isə müşahidəçi qismində dəvət olunub. Nazirlər “Avropanın Rusiyadan müstəqilliyini gücləndirməyin, xüsusən də nüvə yanacağı məsələsində” mümkün yolları müzakirə edəcəklər, agentliyin mənbəsinin qeyd etdiyi kimi, “bir gecədə həyata keçirilə bilməz, çünki bəzi ölkələrin ərazilərində Rusiya elektrik stansiyaları var. və bu, Rusiya Federasiyasından yanacağa olan asılılığı artırır”.