Gürcüstanda müayinə üçün klinikaya aparılan üç məhbus qaçıb.
APA-nın Tbilisi müxbiri yerli KİV-ə istinadın xəbər verir ki, hadisə bu gün günorta saatlarında baş verib. Məlumata görə, müayinə üçün Tbilisidəki "Aversi" klinikasına gətirilmiş məhbuslar penitensiar xidmət əməkdaşlarının diqqətindən yayınaraq qaçmağı bacarıblar.
Klinikanın mətbuat xidmətinin rəhbəri Lali Breqvadze ölkənin ictimai kanalına açıqlamasında hadisənin baş verdiyini təsdiqləyib.