Krım körpüsündə növbəti dəfə partlayış törətmək cəhdi olub.
APA Rusiya KİV-nə istinadən xəbər verir ki, bu gün körpüdə bir neçə dəfə partlayış qeydə alınıb.
Rusiya Müdafiə Nazirliyindən Krım körpüsünə zərbə endirməyə çalışan Ukrayna raketlərinin Rusiya hava hücumundan müdafiə sistemləri tərəfindən havada vurulduğu açıqlanıb.
Hücum nəticəsində tələfat olmadığı, Krım körpüsünün zədələnmədiyi bildirilib.
Rusiya Xarici İşlər Nazirliyinin rəsmi nümayəndəsi Mariya Zaxarova Krım körpüsünə və yarımadaya hücum cəhdlərinə münasibət bildirərək deyib ki, bu cür hərəkətlərə haqq qazandırmaq olmaz və onlar cavabsız qalmayacaq: ”Biz bu terror aktlarını qətiyyətlə pisləyirik".
***
15.00
Krım körpüsünə raket hücumu olub.
APA Rusiya mətbuatına istinadən xəbər verir ki, körpüdə nəqliyyatın hərəkətində məhdudiyyət yaranıb.
Rusiya Müdafiə Nazirliyi körpüyə Ukrayna ordusu tərəfindən raket hücumu olduğunu açıqlayıb. Ukraynanın körpünü S-200 raketi ilə vurmağa cəhd etdiyi bildirilib. Qeyd olunub ki, cəhdin qarşısı Rusiya hava hücumundan müdafiə sistemləri tərəfindən alınıb.
Hücum nəticəsində ölən və ya xəsarət alan olmadığı bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
