"Ukraynanın irəliləməsi, daha çox torpağını azad etməsi üçün daha çox yardıma və bu yardımların sürətlə çatdırılmasına ehtiyacı var".
APA xəbər verir ki, bunu Ukraynanın xarici işlər naziri Dmitri Kuleba Davosda keçirilən Dünya İqtisadi Forumu çərçivəsində panel müzakirəsində deyib.
Ukraynalı nazir bildirib ki onun ölkəsi artıq hansı gücə sahib olduğunu sübut edib: "Biz artıq sübut etmişik ki, Rusiyanı geri oturda bilirik. Biz müharibənin ilk günlərindən Rusiyanın işğal etdiyi torpaqlarımızın 50 faizini azad etmişik, Qara dənizdə dəhlizi açmışıq. Biz 2024-cü ildə Rusiyanı səmamızdan çıxarmaq istəyirik. Artıq sübut olunub ki, səmaya kim nəzarət edirsə, nəticələri də onlar müəyyən edir, ona görə biz daha çox təyyarələr, havadan müdafiə sistemləri, dronlar, uzunmənzilli raketlər istəyirik. Biz böyük düşmənlə savaşırıq, bu düşmənin gücü var, bu düşmən yatmır. Əgər siz soruşsanız ki, biz yorulmuşuqmu? Bəli, yorulmuşuq, amma biz vaz keçirikmi? Yox".
Kuleba əlavə edib ki, Ukrayna müharibəni dayandırmaqla bağlı tərəfdaşlarından hər hansı təzyiqlə üzləşmir: "Mən artıq bir neçə dəfə bəyan etmişəm, biz heç bir təzyiqlə üzləşmirik".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
