Serbiya prezidenti Aleksandar Vuçiç Belqradın mərkəzində baş verən iğtişaşlarla əlaqədar Milli Təhlükəsizlik Şurasının təcili iclasını çağırıb.
APA xəbər verir ki, bu barədə TV Pink məlumat yayıb.
Serbiyanın daxili işlər naziri Bratislav Qasiç etiraz aksiyasının keçirildiyi yerdədir.
Polis artıq etirazçıları dağıdıb.
***
23.56
Dekabrın 18-də etiraz aksiyalarına başlayan “Serbiya zorakılığa qarşı” müxalifət blokunun tərəfdarları şəhər administrasiyasının binasına basqın etməyə çalışırlar.
APA xəbər verir ki, bu barədə TASS-ın müxbiri hadisə yerindən məlumat verib.
***
23.23
Belqrad şəhər administrasiyasının binasını ələ keçirmək cəhdi inqilab deyil, Serbiya hüquq-mühafizə orqanları vəziyyətə tam nəzarət edir.
APA xəbər verir ki, bunu Serbiya Prezidenti Aleksandar Vuçiç xalqa təcili müraciəti zamanı deyib.
"Serbiya vətəndaşları, sizə demək istəyirəm ki, vəziyyət dramatik olsa da, narahat olmayın. Heç bir inqilab baş vermir. Biz təsadüfi nümayişçilərin heç birinə zərər verməmək üçün çalışırıq", - deyə prezident vurğulayıb.
***
22.57
Serbiya prezidenti Aleksandar Vuçiç etirazçıların Belqrad şəhər administrasiyasının binasına soxulmaq cəhdləri fonunda xalqa müraciət edəcək.
APA xəbər verir ki, bu barədə “Veçernje novosti” qəzeti məlumat yayıb.
Nəşrin məlumatına görə, müraciət onlayn rejimdə baş tutacaq. Qəzet başqa heç bir təfərrüat bildirmir.
Qeyd edək ki, serb müxalifətçiləri Belqrad şəhər administrasiyasına basqın ediblər.
Etirazçılar şəhər administrasiyasının qapılarını sındırmağa cəhd edib, məşəl yandırıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
