“Vaqner” özəl hərb şirkətinin rəhbəri Yevgeni Priqojin növbəti dəfə Rusiya Müdafiə Nazirliyini sərt tənqid edib.
APA CNN-ə istinadən xəbər verir ki, Priqojin Müdafiə Nazirliyinin Baxmutun şimalında geri çəkilməsi ilə bağlı bəyanatının hiyləgərlik olduğunu bildirib və qurumu yalan danışmağa son verməyə çağırıb.
O, Rusiya qüvvələrinin Baxmutun şimalından qaçdığını və bunun yenidən qruplaşma deyil, qeyri-taktiki geri çəkilmə olduğunu deyib.
Priqojin əlavə edib ki, Rusiya qoşunlarının Baxmutun şimalından geri çəkilməsi “təkcə bu gün” 5 kvadrat kilometr ərazinin itirilməsi deməkdir:
“Ukrayna bütün taktiki yüksəklikləri tutaraq Baxmutdan 500 metr məsafədə olacaq”.
Priqojin Ukrayna qüvvələri ilə gərgin döyüşlərin getdiyi, Baxmuta aparan Çasov Yar yolunu da tam azad etdiklərini deyib.
"Vaqner" rəhbəri Rusiya Müdafiə Nazirliyini dəstəyinin çatışmazlığına dair əvvəlki şikayətlərini bir daha təkrarlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
