Pentaqon Rusiyanın zərbəsindən sonra Ukraynadakı “Patriot” hava hücumundan müdafiə sisteminin təmir olunduğunu bildirib.
APA-nın xəbərinə görə, ABŞ Müdafiə Nazirliyinin mətbuat katibinin müavini Sabrina Sinq bildirib ki, sistem tam işlək vəziyyətə gətirilib.
Qeyd edək ki, mayın 16-da Rusiya Federasiyasının Müdafiə Nazirliyi Rusiya silahlı qüvvələrinin Kiyevdəki “Patriot” kompleksini “Kinjal” hipersəs raketi ilə vurduğunu bildirib. CNN kanalı isə silahın tam məhv edilmədiyini, yalnız zədələndiyini iddia edib.