Türkiyədə dövlət çevrilişinə cəhdlə bağlı 289 məhkəmə işi tamamlanıb.
APA-nın İstanbul müxbirinin verdiyi xəbərə görə, bu barədə Türkiyənin ədliyyə naziri Yılmaz Tunç “A-Haber”ə müsahibəsində bildirib.
O qeyd edib ki, bu işlər üzrə silahlı hücum və çevrilişdə iştirak edən 4 min 891 şəxs məhkum olunub, onlardan 1 min 634-ü ağırlaşdırılmış ömürlük həbs cəzası alıb.
Nazir, həmçinin əlavə edib ki, Türkiyədə FETÖ-çülarla bağlı 67 min 104 istintaq davam edir, 15 min 50 FETÖ üzvü cəza evlərindədir.