Ukrayna XİN-in mətbuat katibi Oleq Nikolenko Atom Enerjisi üzrə Beynəlxalq Agentliyin (AEBA) missiyasının Zaporojye AES-ə səfərini şərh edib.
APA-nın xəbərinə görə Nikolenko bildirib ki, AEBA Ukrayna hökumətinin dəvəti ilə Zaporojye AES-ə səfər üçün missiya yaradıb. 14 beynəlxalq ekspertin daxil olduğu missiyaya AEBA-nin baş direktoru Rafael Qrossi rəhbərlik edir.
Beynəlxalq nüvə alimlərindən ibarət nümayəndə heyəti artıq Vyananı tərk edib və bu gün Kiyevə gəlməlidir. Missiyanın yaxın günlərdə Zaporijye AES-də işə başlayacağı gözlənilir. AEBA-nın missiyası üç əsas məsələ üzərində işləyəcək:
- Fiziki müdafiə,
- Nüvə təhlükəsizliyi,
- Nüvə materiallarının yayılmamasına zəmanətlər.
Nikolenko xatırladıb ki, Ukraynanın mövqeyi bəllidir: Rusiya qoşunlarının beynəlxalq qaydaları pozaraq Zaporojye AES-in ərazisinə külli miqdarda hərbi texnika və sursat gətirməsi AES-i ciddi təhlükə qarşısında qoyur. Bu həm də radioaktivliyin yayılmasına səbəb ola bilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
