Avropa İttifaqı Çinlə bağlı siyasətini sərtləşdirməlidir, bütün ölkələrin bu məsələdə ümumi rəyi var.
APA xəbər verir ki, bu barədə Avropa Komissiyasının prezidenti Ursula fon der Lyayen ZDF telekanalına müsahibəsində bildirib.
Lyayen etiraf edib ki, müxtəlif üzv dövlətlərin Çinlə qarşılıqlı əlaqə məsələsində fərqli maraqları var.
"Amma fakt budur ki, Çin çox dəyişib və buna görə də biz Pekinə münasibətdə siyasətimizi sərtləşdirməliyik", - Avropa Komissiyasının rəhbəri əlavə edib.
O vurğulayıb ki, son aylarda bu məsələ ilə bağlı yaxşı müzakirələr aparılıb, getdikcə Aİ-nin izləmək istədiyi ümumi strategiya formalaşıb.
"Bu, hələ tamamlanmamış bir prosesdir, lakin bu onu göstərir ki, biz Çin münasibətdə yalnız maraqların deyil, hər şeydən əvvəl risklərin olduğunu görürük. Və burada biz buna aydın şəkildə baxmalıyıq", fon der Lyayen fikrini yekunlaşdırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
