APA-nın “Mehr” xəbər agentliyinə istinadən verdiyi məlumata görə, bu gün İstanbul şəhərində Çırağan otelində baş tutan görüşdə Məhəmməd Cavad Zərif və Ketrin Eşton İranla “altılıq” ölkələri arasında iyunun 16-20-da Vyanada keçirilməsi planlaşdırılan növbəti nüvə müzakirələrində necə irəliləyişə nail olmaq barədə danışıqlar aparıblar.
Qeyri-rəsmi xarakter daşıyan danışıqlar iki gün davam etdiriləcək. Tərəflər bu gün axşam Bakı vaxtı ilə 22:00-da İranın İstanbuldakı Baş Konsulluğunda işgüzar şam yeməyində də bir araya gələcək.