Bakı-APA. NATO Şərqi Avropadakı müttəfiqlərinə dəstək üçün Baltik dənizinə 5 hərbi gəmi göndərir. APA-nın “Röyters”ə istinadən verdiyi xəbərə görə, bu barədə Alyansın mətbuat xidmətinin açıqlamasında deyilir.
“NATO Baltik dənizinə gəmiləri Şərqi Avropadakı müttəfiqlərinin müdafiəsini gücləndirmək üçün göndərir”, deyə açıqlamada bildirilir.
Qeyd olunan dəniz çevik qrupuna Norveç, Niderland, Belçika və Estoniya hərbi gəmiləri daxildir.