Parisdə prezident seçkilərinin nəticələrindən narazı qalan etirazçılarla polis arasında toqquşma baş verib.
APA-nın “AFP” agentliyinə istinadən verdiyi xəbərə görə, hadisə nəticəsində 1 nəfər ağır xəsarət alıb.
Polis etirazçıları dağıtmaq üçün gözyaşardıcı qaz və səs qumbaralarından istifadə edib. Aksiyada yüzlərlə etirazçı iştirak edir. Bundan əvvəl Parisin Şimal dəmiryol vağzalı yaxınlığında etirazçılar 3 avtomobilə od vurublar.
Bastiliya meydanından Respublika meydanına keçən iğtişaşlar hazırda davam etməkdədir.