Bakı-APA. Türkiyədə metro xəttində qəza baş verib.
APA-nın məlumatına görə, bu gün yerli vaxtla saat 7:30 radələrində İzmir şəhərində Evka 3-Fahrettin Altay xətti ilə hərəkət edən metro qatarı Bölgə stansiyasından keçən zaman yaxınlıqdakı yük anbarında yük maşınlarının üzərindəki konteyner aşıb.
Hadisə yük konteyneri yük maşınının üzərinə qoyularkən baş verib. Nəticədə konteyner metro qatarına çırpılıb, vaqonlardan biri xətdən çıxaraq aşıb. Vaqonun aşması nəticəsində vaqonda olan bəzi sərnişinlər yüngül xəsarət alıblar. Yaralılara yerində tibbi yardım göstərilib. Qəzanın nəticələri aradan qaldırılana qədər metro xətlərində qatarların hərəkəti dayandırılıb, 1 saat sonra xətlərdən birində vaqonların hərəkətinə icazə verilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
