Ukrayna Prezidenti Vladimir Zelenski Davosda keçirilən Dünya İqtisadi Forumunda iştirak etmək üçün İsveçrəyə səfər edib.
APA xəbər verir ki, bu barədə Prezident Zelenski "X" hesabında bildirib.
Dünya İqtisadi Forumunda iştirak etmək və İsveçrə hökumətinin rəsmiləri ilə görüşmək üçün bu ölkəyə səfər etdiyini bildirən Ukrayna dövlət başçısı artıq İsveçrədə olduğunu deyib.
"Berndə parlamentin hər iki palatasının rəhbərləri, partiya və fraksiya liderləri, prezident Viola Amherd ilə görüşəcəyəm. Mən İsveçrəyə Ukraynanın suverenliyi və ərazi bütövlüyünə verdiyi ardıcıl dəstəyə görə minnətdarlığımı bildirəcəyəm. İnanıram ki, İsveçrənin Sülh Formulunda iştirakı, eləcə də müvafiq təcrübəsi ədalətli sülhə baxışımızı yaxınlaşdırmağa kömək edə bilər.
Mən həmçinin, Rusiya tərəfindən oğurlanmış ukraynalı uşaqların geri qaytarılması, sanksiyalar, dondurulmuş Rusiya aktivlərindən istifadə yolları, humanitar minatəmizləmə, maliyyə yardımı və bərpa məsələlərini müzakirə edəcəyəm.
Davosda mən Avro-Atlantik inteqrasiyamızı inkişaf etdirmək üçün Aİ və NATO nümayəndələri ilə, eləcə də Ukraynanın müdafiə və iqtisadi dayanıqlığını gücləndirmək üçün digər liderlər və baş direktorlarla mühüm ikitərəfli görüşlər keçirəcəyəm", - Zelenski paylaşımında bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
