Yeni Zelandiya ilk dəfə olaraq Rusiya və Çin də daxil olmaqla milli təhlükəsizliyə təhdid olan dövlətlərin siyahısını dərc edib.
APA xəbər verir ki, bu barədə Yeni Zelandiya Təhlükəsizlik və Kəşfiyyat Xidməti (NZSİS) məlumat yayıb.
Xidmətin hesabatında qeyd olunur ki, ən böyük təhlükə getdikcə iddiaları artan Çin dövlətidir. Ölkənin təhlükəsizliyinə ciddi ziyan vura bilən dövlətlər arasında Çin, Rusiya və İran var.
Hesabatda ekstremizm, ölkənin daxili işlərinə xaricdən müdaxilə və casusluq əsas təhlükəsizlik təhdidləri kimi göstərilir.