Tunisdə Parlament seçkilərilə bağlı keşirilən səsvermə yerli vaxtla saat 18:00-da başa çatıb.
APA “RİA Novosti”yə istinadla xəbər verir ki, səsvermənin ilkin nəticələri bu gün axşam saatlarında, yekun nəticə isə oktyabrın 9-da seçki komissiyası tərəfindən elan ediləcək.
Səsvermə hüququ olan yeddi milyondan çox Tunis vətəndaşı olsa da, müşahidəçilər gün ərzində seçicilərin fəallığının az olduğunu bildirib.
****
17:33
Bu gün Tunisdə parlament seçkiləri keçirilir.
An-Nahda Partiyasının parlament seçkilərində şansı yüksək dəyərləndirilir
PA-nın TASS agentliyinə istinadən verdiyi məlumata görə, 217 deputat mandatı uğrunda 15,3 min namizəd mübarizə aparır.
Hakim liberal-demokrat düşərgənin prezident seçkilərinin birinci turunda məğlubiyyətə uğraması (prezident seçkilərinin ikinci turu oktyabrın 13-də keçiriləcək) fonunda islamçıların An-Nahda Partiyasının parlament seçkilərində şansı yüksək dəyərləndirilir.
Yerli vaxtla saat 11.00-a olan məlumata görə, seçici fəallığı 6,5 faiz təşkil edib. Aşağı seçici fəallığı oktyabrın 4-dən xaricdə təşkil edilən seçki məntəqələrində səsvermədə də qeydə alınıb. Xaricdəki tunislilərin yalnız 7 faizdən bir qədər çoxu səsvermədə iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
