“Ana” tropik qasırğası son dörd gündə Madaqaskar, Mozambik və Malavidə azı 46 nəfərin həyatına son qoyub.
APA xəbər verir ki, bu barədə “France-Presse” məlumat yayıb.
Yanvarın 22-də Madaqaskarda fırtına baş verib, daşqınlar və torpaq sürüşmələri nəticəsində 39 nəfər ölüb, 65 min nəfər evsiz qalıb.
Ötən bazar ertəsi fırtına Mozambikin mərkəzinə çatıb. İlkin məlumata görə, 3 nəfər ölüb, 49 nəfər yaralanıb.
Fırtınanın səbəb olduğu daşqınlar nəticəsində Malavidə 4 nəfər ölüb, ölkənin böyük hissəsi işıqsız qalıb.
“Ana” qərbə, mərkəzə doğru irəliləyir və günün sonuna kimi Zimbabve sərhədini keçəcək.