ABŞ-da konsertdə açılan atəş nəticəsində iki nəfər ölüb

ABŞ-da konsertdə açılan atəş nəticəsində iki nəfər ölüb
  • Clock-gray 10:11
  • calendar-gray 20 Yanvar 2020

Texasdakı gecə klublarının birində keçirilən konsert zamanı açılan atəş nəticəsində iki nəfər ölüb, beş nəfər yaralanıb.

APA-nın xarici mətbuata istinadən verdiyi məlumata görə, hadisə bazar günü axşam saatlarında San-Antonio şəhərindəki “Ventura” klubunda baş verib.

"Klubda bir qrup şəxs arasında mübahisə düşdü. Bir nəfər silah çıxarıb, atəş açmağa başladı", - deyə şəhərin polisinin başçısı Uilyam MakManus bildirib.

O qeyd edib ki, hadisə nəticəsində bir nəfər yerində ölüb, bir nəfər isə aldığı xəsarətlərdən xəstəxanada dünyasını dəyişib. Atışma nəticəsində ölən və yaralananların hamısı klubun daimi müştəriləri olub.

Polis hazırda cinayət yerindən qaçmağı bacaran şübhəli şəxsi axtarır.

apa-logo-mini

Digər xəbərlər