Braziliyanın cənub-şərqində güclü yağışların yaratdığı daşqınlar zamanı azı 53 nəfər həyatını itirib.
APA TASS-a istinadən xəbər verir ki, Minas-Jerais şəhərinin Mülki Müdafiə İdarəsinin məlumatına görə, 19 nəfər itkin düşmüş hesab olunur.
Təxminən 14 min insan evlərini tərk edib, 3,3 mindən çox insan evsiz qalıb. Minas-Jerais şəhərində 44, qonşu Espiritu-Santoda isə 9 nəfər ölüb.
Sinoptiklərin bildirdiyinə görə, leysan yağəşları cümə axşamı səhər saat 9-dan etibarən başlayıb. Yağıntılar 110 ildə rekord həddə çatıb. Əyalətdə yanvar ayı üçün orta aylıq yağıntı iki dəfədən çoxdur.