Pompeo Çinin koronavirus haqqında dərhal məlumat vermədiyindən təəssüfləndiyini bildirib

Pompeo Çinin koronavirus haqqında dərhal məlumat vermədiyindən təəssüfləndiyini bildirib
  • Clock-gray 01:38
  • calendar-gray 14 Aprel 2020

“ABŞ Çinin yeni növ koronavirus haqqında vaxtında məlumat verməməsindən təəssüflənir”. 

APA TASS-a istinadən xəbər verir ki, bu sözləri ABŞ Dövlət katibi Mayk Pompeo Almaniyanın "Bild" qəzetinə müsahibəsində bildirib.

O, Çinin Uhan şəhərində başlayan epidemiyanın tez bir zamanda müəyyən edilməməsindən təəssüfləndiyini vurğulayıb: “Çin hökuməti məlumatları vaxtında verməyib. Bu, dəhşətdir”. 

Koronavirusun dünyaya vurduğu ziyana görə kimin məsuliyyət daşıdığı sualına cavab verməyən dövlət katibi bu mövzuda qlobal müzakirəyə ehtiyac olduğunu deyib: “Bunun necə başladığını və haradan başladığını anlamaq vacibdir. İndiki məqamda qlobal iqtisadiyyatın bərpasına diqqət yetirilməlidir. İttihamların zamanı sonra gələcək”. 

 

Rəşad Sarıyev

Digər xəbərlər