ABŞ-ın Kaliforniya ştatında meşə yanğınlarının sahəsi 17 000 hektarı keçib.
APA-nın “Le Matin” saytına istinadla xəbərinə görə, artıq minlərlə sakin təxliyə olunub.
Yanğınlar 6 minədək tikili üçün təhlükə yaradıb. Alovla mübarizəyə çox sayda texnika və 1700 nəfər canlı qüvvə cəlb olunub. Quraqlıq, isti və küləkli hava yanğının söndürülməsini çətinləşdirir. Sutka ərzində yanğınların cəmi 10%-ni nəzarət altına almaq mümkün olub. Bəzi ərazilərdə havanın temperaturu 45 dərəcə Selsiyə çatır.