Çində bir uşağın çayda boğulması onu xilas etmək istəyən daha 7 uşağın batmasına səbəb olub

Çində bir uşağın çayda boğulması onu xilas etmək istəyən daha 7 uşağın batmasına səbəb olub
  • Clock-gray 08:37
  • calendar-gray 22 İyun 2020

Çində 7 ibtidai sinif şagirdi çayda boğulan yoldaşlarını xilas edərkən özləri də boğulub.

APA xəbər verir ki, bu barədə “Sinhua” xəbər agentliyi məlumat yayıb. Məlumata görə, insident Tunnan rayonunun Misin kəndində baş verib.

Məlumata görə, Misin kəndində yaşayan 10-12 yaşlarında 8 uşaq görüşərək qonşu Tunszya kəndinə gəzməyə gediblər və burada Fuszyan çayının sahilində oynayıblar. Bu vaxt uşaqlardan biri çaya yıxılıb, digər yeddisi isə onu xilas etməyə çalışıb, ancaq özləri də çaya yıxılıblar.

Hadisə barədə xilasetmə xidmətinə məlumat verilib və çayda boğulan uşaqların axtarışlarına başlanılıb. Bu gün yerli vaxtla saat 07:10-da səkkiz uşağın cansız bədəni sudan çıxarılıb.

apa-logo-mini

Digər xəbərlər