Myanma lideri naməlum şəxslər tərəfindən saxlanılıb

Myanma lideri naməlum şəxslər tərəfindən saxlanılıb
  • Clock-gray 05:19
  • calendar-gray 01 Fevral 2021

Myanmarın dövlət müşaviri Aun San Su Çji, faktiki olaraq hökumət başçısı, həmçinin ölkə prezidenti Vin Myin naməlum şəxslər tərəfindən saxlanılıb.

APA xəbər verir ki, bu barədə hakim partiyanın nümayəndəsi Mio Nyunt “Reuters” agentliyinə bildirib.

Agentliyin verdiyi xəbərə görə, yüksək çinli bir neçə partiya nümayəndəsi də saxlanılanlar arasındadır. İnsidentin səhər saatlarında baş verdiyi deyilir.

“Xalqımıza demək istəyirəm ki, tələsik reaksiya verməsinlər və qanuna uyğun şəkildə hərəkət etsinlər”, - deyə Nyunt əlavə edib.

“Sinhua” agentliyinə müsahibəsində o, saxlanılanlar arasında Şan ştatının planlaşdırma və maliyyə nazirinin, Kaya ştatında partiya bölməsi sədrinin və İravadi region parlamentində hakim partiyanın digər üzvlərinin olduğunu qeyd edib.

“France Press” agentliyinin xəbərinə görə, söhbət dövlət çevrilişindən gedir.

“Eşitdiyimizə görə, o, Myanmanın paytaxtı Neypidoda saxlanılır, ehtimal edirik ki, ordu hazırda dövlət çevrilişinin təşkilini həyata keçirir”, - deyə Nyunt bildirib.

Nyunt özünün də həbs olunacağı qənaətindədir. O, “France Press” agentliyinə Aun San Su Çjinin Myanma hərbçiləri tərəfindən saxlanıldığını deyib.

Myanmanın ən böyük şəhəri olan Yanqon meriyası ətrafında hərbçilərin yerləşdirildiyi də bildirilir.

apa-logo-mini

Digər xəbərlər