Pakistanın Xarici İşlər naziri Şah Mahmud Qureşi İrana səfər edib.
APA-nın xəbərinə görə, bu barədə İran Xarici İşlər Nazirliyinin (XİN) "Twitter" səhifəsində məlumat verilib.
Şah Mahmud Qureşi İrana səfəri çərçivəsində Prezident Həsən Ruhani və iranlı həmkarı Məhəmməd Cavad Zəriflə görüşüb.
Pakistan XİN başçısı Həsən Ruhani ilə görüşünü konstruktiv və müsbət adlandırıb.
“Biz regional təhlükəsizliyə nail olmaq üçün bütün diplomatik səyləri göstərməyə qərarlıyıq və Pakistan torpaqları müharibə üçün istifadə edilməyəcək”, - deyə Ş.M. Qureşi qeyd edib.
İran və Pakistanın Xarici İşlər nazirləri iki ölkə arasında qarşılıqlı əlaqələri, o cümlədən regionda son vəziyyəti müzakirə ediblər.
Qeyd edək ki, bir neçə gün öncə Pakistanın Baş Naziri İmran Xan ölkəsinin ABŞ və İran arasında dialoqun yaradılması üçün vasitəçi olmağa hazır olduğunu bəyan edərək Xarici İşlər nazirinin İrana və ABŞ-a səfəri ilə bağlı göstəriş verdiyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
