Tripolidə nümayişçilərlə polis arasındakı qarşıdurmada xəsarət alanların sayı 226-ya çatıb - YENİLƏNİB

Tripolidə nümayişçilərlə polis arasındakı qarşıdurmada xəsarət alanların sayı 226-ya çatıb - YENİLƏNİB
  • Clock-gray 02:53
  • calendar-gray 28 Yanvar 2021

Livanın şimal paytaxtı hesab olunan Tripolidə (Beyrutdan 90 km uzaqlıqda) nümayişçilərlə polis qüvvələri arasında baş vermiş küçə toqquşmaları şiddətli vəziyyət alıb. Qarşıdurmalar zamanı xəsarət alanların sayı 226 nəfərə çatıb.

APA xəbər verir ki, bu barədə “Al-Wataniya” agentliyinə Livan Qırmızı Xaç Cəmiyyətinin nümayəndəsi bildirib.

Onun sözlərinə görə, xəsarət alanların əksəriyyətinə yerində tibbi yardım göstərilib, 35-i xəstəxanaya yerləşdirilib.

Livan ordusu hazırda Tripolinin mərkəzindəki əsas bölgələri nəzarətə götürüb. Küçələrdə zirehli texnikalarla patrul xidməti həyata keçirilir.

***

Saat 01:56

Livanın Tripoli şəhərində nümayişçilərlə asayiş keşikçiləri arasında baş vermiş qarşıdurmada 82 nəfər xəsarət alıb.

APA “RİA Novosti”yə istinadən xəbər verir ki, bu barədə Livan Qırmızı Xaç Təşkilatının “Twitter” səhifəsində bildirilib.

“15 yaralı xəstəxanalara yerləşdirilib, daha 67 nəfərə yerində tibbi yardım göstərilib”, - deyə təşkilatın “Twitter” səhifəsində qeyd olunub.

Ölkənin Daxili İşlər Nazirliyinin məlumatına görə, nümayişçilər qarşıdurma zamanı polis əməkdaşlarına döyüş qumbarası atıb, nəticədə 9 polis əməkdaşı yaralanıb, onlardan birinin vəziyyətinin ağır olduğu bildirilir.

Livanın “Al Jadid” telekanalı xəbər verir ki, nümayişçilər arasında da azı bir nəfər odlu silah yarası alıb.

apa-logo-mini

Digər xəbərlər