Türkiyə terrorun hər növünə qarşı mübarizəsini sərhədlərinin daxili və xaricində davam etdirəcək.
APA-nın İstanbul müxbiri xəbər verir ki, bu barədə Türkiyə Prezidenti Rəcəb Tayyib Ərdoğan Pakistan Baş naziri Şahbaz Şərif ilə birlikdə iştirak etdiyi Pakistan üçün MİLGEM Korvet Layihəsinin 3-cü gəmisinin suya buraxılması mərasimində bildirib.
O qeyd edib ki, terrorçular, arxalarında kimlərin durmasından asılı olmayaraq, törətdikləri cinayətlərin cavabını verəcəklər.
Ərdoğan, həmçinin Ş. Şərifə və Pakistan xalqına terrorla mübarizədə Türkiyə ilə həmrəy olduqlarına görə təşəkkür edib.