Səfir Möhsün Naziri Asal İran İslam Respublikasının BMT-nin Vyana ofisində, eyni zamanda, İran İslam Respublikasının Atom Enerjisi üzrə Beynəlxalq Agentliyində (AEBA) yeni daimi nümayəndəsi təyin edilib.
APA-nın Tehran bürosu xəbər verir ki, bununla bağlı İranın xarici işlər naziri Hüseyn Əmir-Abdullahian təklif irəli sürüb, Prezidenti İbrahim Rəisi isə təklifi təsdiq edib.
Qeyd edək ki, Naziri beynəlxalq hüquq üzrə fəlsəfə doktoru dərəcəsinə malikdir və İran İslam Respublikasının BMT-nin Cenevrədəki Avropa qərargahındakı səfiri və keçmiş daimi nümayəndəsi vəzifəsində, habelə bir neçə missiyada çalışıb.