Suriya Prezidenti Bəşər Əsəd Ərəb Dövlətləri Liqasının mayın 19-da Səudiyyə Ərəbistanında keçiriləcək sammitində iştirak edə bilər.
APA-nın “Al Hadath” telekanalına istinadən verdiyi xəbərə görə, bunu bu gün Qahirədə Ərəb Dövlətləri Liqası Xarici İşlər Nazirləri Şurasının iclasından sonra keçirilən mətbuat konfransında təşkilatın Baş katibi Əhməd Abu al-Qeyt bildirib.
Baş katib deyib ki, Bəşər Əsəd arzu edərsə, Ərəb Dövlətləri Liqasının növbəti sammitində iştirak edə bilər.