Türkiyədə miqrantları daşıyan pikap tipli avtomobil qəzaya düşüb.
APA-nın “Anadolu” agentliyinə istinadən verdiyi xəbərə görə, qəza Hatay vilayətinin Reyhanlı qəsəbəsində qeydə alınıb.
Sürücü idarəetməni itirib, avtomobil yoldan çıxaraq aşıb.
Qəza nəticəsində 6 nəfər ölüb, 27 nəfər xəsarət alıb.
Hadisə yerinə təcili tibbi yardım briqadaları cəlb olunub. Yaralılar xəstəxanaya yerləşdirilib.