İtaliyada indiyədək koronavirusa yoluxanların yarısı sağalıb

20:24
10 May 2020

İtaliyada son sutka ərzində daha 802 nəfər koronavirus infeksiyasına yoluxub, bununla da virusa yoluxanların sayı 219 mini keçib.

APA xəbər verir ki, bu barədə ölkənin Mülki Müdafiə Departamenti açıqlama yayıb.

Məlumata görə, bu günədək ölkədə 219 070 nəfər infeksiyaya yoluxub.

Son bir gündə virusdan ölənlərin sayı da 165 nəfər artaraq ümumilikdə 30 560 nəfərə çatıb. Epidemiyanın başlanğıcından bəri 105 186 xəstə sağalıb. Bu isə ölkə ərazisində bu virusa yoluxanların təxminən yarısı deməkdir.