“İyunun 20-də litseylərə qəbul imtahanı hər şagirdin təhsil aldığı məktəbdə keçiriləcək”.
APA-nın yerli bürosunun xəbərinə görə, Türkiyənin Təhsil naziri Ziya Səlcuk bu fikirləri NTV-yə müsahibəsində deyib.
Nazir bu imtahanların başqa müəllimlərin nəzarətilə keçiriləcəyini qeyd edib: “İmtahanlar fasilə ilə keçiriləcək. Şagirdlər tənəffüsdə məktəb bağçasına çıxacaq və siniflər havalandırılacaq. Lakin imtahanın gedişatı ilə bağlı kənarda gözləyən valideynlərin əvvəlki kimi məktəb bağçasında keçmələrinə icazə verilməyəcək. Onu da deyim ki, imtahan sualları şagirdlərin əyani, ənənəvi təhsillə öyrəndikləri mövzulardan salınacaq”.
Ziya Səlcuk deyib ki, imtahan prosesində şagirdlər sosial məsafə şərtləri ilə oturdulacaq və onlara maska, dezinfeksiyaedici vasitələr paylanacaq: "Təhsil mütəxəssislərinin rəyinə görə, məktəblərin açılması iyunun 1-də gözlənilsə də, bu, COVID-19-la əlaqədar yaradılan Elm Qurumunun verdiyi rəydən asılı olacaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
