Bu il ərzində Gürcüstanın dövlət strukturlarında qeydə alınan cinayətlərin sayı açıqlanıb.
APA-nın yerli bürosunun Gürcüstan Milli Statistika İdarəsinə (GEOSTAT) istinadən verdiyi xəbərə görə, 2019-cu ilin yanvar-oktyabr ayları ərzində ölkədə bu qəbildən olan 453 cinayətkarlıq faktı qeydə alınıb.
Dövlət strukturlarında törədilən cinayətlərin əsasən rüşvət, vəzifə səlahiyyətlərindən sui-istifadə, saxtalaşdırma kimi hallar üzrə qeydə alındığı bildirilib.