Fransa Prezidenti Emmanuel Makron NATO-nun ABŞ və müttəfiqləri, xüsusən də Türkiyə arasında strateji qərarlar qəbul edə bilməməsi səbəbindən “koma”da olduğunu bildirib.
APA INTERFAX-a istinadla xəbər verir ki, Fransa prezidenti bu barədə İngiltərənin “The Economist” jurnalına müsahibəsində bildirib.
Nəşrin yazdığına görə, Makron qeyd edib ki, ilk növbədə NATO-nun strateji hədəflərinin nədən ibarət olduğunu aydınlaşdırmaq lazımdır.
Fransa prezidenti Avropanın "uçurumun kənarında" olduğunu və yenidən Avropa ölkələrinin müdafiə imkanlarını "inkişaf etdirməyin" vacibliyini söyləyib.
Makron oktyabr ayında Suriyanın şimal-şərqində Türkiyənin həyata keçirdiyi hərbi əməliyyatları və bu fonda baş verən hadisələri Qərbin və NATO-nun səhvi kimi dəyərləndirib.
Qeyd edək ki, həmin vaxt Estoniya Baş Nazirinin səlahiyyətlərini icra edən və daxili işlər naziri Mart Helme də ABŞ qoşunlarının Suriyadan çıxarılmasını və Suriyanın şimal-şərqində Türkiyənin hərbi əməliyyatlara başlamasını NATO-nu iflic etdiyini söyləmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
