Bir sıra Avropa İttifaqı (Aİ) ölkələri Ukraynanı tank və hərbi silahlarla təmin etməyə hazırdır.
APA xəbər verir ki, bu barədə Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell Madriddə jurnalistlərə açıqlamasında deyib.
Onun sözlərinə görə, Ukraynanın hərbi silahlara, ağır tanklara ehtiyacı var və onlar üçün müraciət olunub.
Xatırladaq ki, ABŞ-ın Almaniyadakı Ramşteyn aviabazasında Qərb müdafiə nazirlərinin növbəti görüşü keçirilib və rəsmi Kiyevə əlavə hərbi yardım, ilk növbədə isə “Leopard” tanklarının tədarük edilməsi məsələsi müzakirə olunacaq.