Rusiya xarici işlər naziri Sergey Lavrov Cenevrədə amerikalı həmkarı Entoni Blinkenlə görüşdən irəliləyiş gözləmədiyini açıqlayıb.
APA-nın Moskva müxbirinin verdiyi məlumata görə, bu barədə Lavrov Cenevrədə Blinkenlə görüş öncəsi jurnalistlərə açıqlamasında bildirib.
“Biz Blinkenlə görüşdən irəliləyiş gözləmirik, lakin təhlükəsizlik zəmanətləri ilə bağlı təkliflərimizə cavab gözləyirik”, - Rusiya XİN başçısı vurğulayıb.
Qeyd edək ki, hazırda İsveçrənin Cenevrə şəhərində Rusiya XİN başçısı ilə ABŞ Dövlət katibi arasında danışıqlar keçirilir.