Rusiya və Türkiyə müdafiə nazirləri arasında telefon danışığı olub.
APA-nın Moskva müxbirinin Rusiya Müdafiə Nazirliyinə istinadən verdiyi məlumata götə, telefon danışığı zamanı Sergey Şoyqu türkiyəli həmkarı Hulusi Akar ilə Ukrayna və Suriyanı mövzusunu müzakirə edib.
"Türkiyə tərəfinin təşəbbüsü ilə 2022-ci il iyunun 7-də Rusiyanın müdafiə naziri Sergey Şoyqu Türkiyənin milli müdafiə naziri Hulusi Akar ilə telefon danışığı aparıb. Əsas diqqət Ukrayna və Suriyadakı vəziyyətlə bağlı fikir mübadiləsi və dəyərləndirmələrə yönəldilib. Müdafiə nazirləri Ukrayna ərazisindən taxıl ixracı probleminin həlli ilə əlaqədar Qara dənizdə gəmilərin hərəkətinin təhlükəsizliyi məsələlərini ətraflı müzakirə ediblər. Suriyada regionda uzunmüddətli sabitliyin qorunmasına yönəlmiş sıx əməkdaşlığın davam etdirilməsinin vacibliyi də qeyd edilib", - Rusiya MN-in məlumatında qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
