Türkiyə xarici işlər nazirinin müavini səfir Sedat Önal Türkiyə-ABŞ Strateji Mexanizmi çərçivəsində sentyabrın 15-də Vaşinqtonda ABŞ dövlət katibinin müavini Vendi Şerman və dövlət katibinin siyasi məsələlər üzrə müşaviri Viktoriya Nuland ilə məsləhətləşmələr aparacaq.
Bu barədə APA-nın İstanbul müxbirinə Türkiyə Xarici İşlər Nazirliyindən bildirilib.
Qeyd olunub ki, məsləhətləşmələrdə ikitərəfli münasibətlərlə yanaşı, regional məsələlər və beynəlxalq hadisələrin də müzakirə ediləcəyi nəzərdə tutulur.