Yeni Zelandiyanın təhsil naziri Kris Hipkins Leyboristlər Partiyasının yeni liderliyi üçün yeganə namizəddir və seçildikdən sonra Baş nazir postunu tutacaq.
APA-nın xəbərinə görə, partiyanın nümayəndəsi Dunkan Vebb bildirib ki, partiyadaxili seçkilər yanvarın 22-də keçiriləcək.
"Leyboristlər Partiyasının qrup iclasları bazar günü saat 13:00-da keçiriləcək və yeni lider kimi Kris Hipkinsin namizədliyi təsdiqlənəcək", - deyə o, yerli KİV-ə bildirib. Hipkins bu vəzifəyə yeganə namizəddir.
Yeni Zelandiya qanunlarına görə, son seçkidə parlamentdə ən çox yer qazanan partiyanın lideri ölkənin baş naziri olur. 2020-ci ilin oktyabrında ölkədə keçirilən seçkilərin nəticələrinə görə, leyboristlər parlamentdəki 120 yerdən 64-nü tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
