Bakı Fond Birjasında (BFB) Maliyyə Nazirliyinin AZ0106012757 ISIN-li, 15 mln. manat həcmində, 1 092 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.
Maliyyə Nazirliyindən “APA-Economics”ə verilən məlumata görə, Maliyyə Nazirliyində istiqrazların yerləşdirilməsi üzrə keçirilən hərracda 10 investor tərəfindən qiymət intervalı 97,7122 AZN (9,9000%) və 100,7774 AZN (8,7000%) olan 15 sifariş təqdim edilib.
Qeyd edək ki, Maliyyə Nazirliyinin qərarına əsasən istiqrazların kəsmə qiyməti 100,3101 (8,8799%), orta ölçülmüş qiyməti 100,3666 (8,8581%) müəyyən edilib. Sifarişlərin nominal qiymətlə ümumi məbləği 49 646 400 AZN, yerləşdirilmiş həcmi isə 15 mln. AZN təşkil edilib.
İstiqrazların ödəmə tarixi 05.07.2022-ci il.
Hərrac iştirakçıları 10 iyul 2019-ci il (t+1) tarixinədək istiqrazların alışı üzrə öhdəliklərini icra etməlidirlər.