Ermənilərin Azərbaycan və Ermənistan sərhədində törətdiyi təxribatlarla bağlı başladılan cinayət işinin istintaqı davam edir

Ermənilərin Azərbaycan və Ermənistan sərhədində törətdiyi təxribatlarla bağlı başladılan cinayət işinin istintaqı davam edir
  • Clock-gray 11:16
  • calendar-gray 28 Avqust 2020

Azərbaycan və Ermənistanın dövlət sərhədində ermənilərin törətdikləri təxribatlar nəticəsində 1 nəfər mülki şəxsin öldürülməsi, kəndlərə dəymiş ziyanla bağlı başlanmış cinayət işinin istintaqı davam etdirilir.

APA-nın məlumatına görə, Baş Prokurorluğun “Instagram” səhifəsində aparılan sual-cavab sessiyasında bildirilib ki, 2020-ci il iyulun 12-dən başlayaraq, Ermənistanın silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində mövqeləri ələ keçirmək məqsədilə atəşkəs rejimini kobud şəkildə pozaraq kəskin eskalasiya yaratmaq məqsədi ilə artilleriya qurğularından istifadə etməklə mövqelərimizi atəşə tutub.

Təcavüzkar Ermənistan bu kimi təxribatçı əməlləri ilə beynəlxalq hüququn fundamental norma və prinsiplərini kobud şəkildə pozaraq Azərbaycan Respublikasının dinc əhalisinin sıx yaşadığı əraziləri artilleriya atəşinə tutmaqla mülki əhaliyə qarşı müxtəlif cinayətlər törədib: “Belə ki, iyulun 14-də saat 14 radələrində Ermənistanın silahlı qüvvələri tərəfindən Tovuz rayonu, Ağdam kənd sakini 1944-cü il təvəllüdlü Əzizov Əziz İzzət oğlunun yaşadığı evə odlu silah mərmisinin atılması səbəbindən sonuncu aldığı çox saylı qəlpə xəsarətləri nəticəsində həlak olub.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.

Faktla bağlı Tovuz rayon prokurorluğunda Cinayət Məcəlləsinin 120.2.12-ci (milli, irqi, dini ədavət və ya düşmənçilik niyyəti ilə adam öldürmə) maddəsi ilə cinayət işi başlanmış, müvafiq ekspertizalar təyin edilib.

Hazırda iş üzrə zəruri və intensiv istintaq tədbirləri davam etdirilir”. 

Səlcuq Elçin

Digər xəbərlər