“Vətəndaş hər hansı xarici dövlətdə cinayət sayılmayan əməli edirsə, Azərbaycana qayıdandan sonra buna baxıla bilər. Həmin ölkədə cinayət məsuliyyəti hesab edilməyən hal Azərbaycanda cinayət sayıla bilər”.
APA-nın məlumatına görə, bunu Milli Məclisin bu gün keçirilən iclasında deputat Qüdrət Həsənquliyev deyib.
Deputat bildirib ki, deməli onlar cinayətə cəlb olunacaqlar: “Yəni Azərbaycan vətəndaşı hansısa ölkədə cinayət sayılmayan psixotrop maddəni Azərbaycana gətirirsə, bu maddə bizdə cinayət məsuliyyətinə səbəb olursa, həmin şəxs cinayət məsuliyyətinə cəlb olunacaq”.