“Koronavirusla bağlı yaranan problem bütün dünya futboluna təsir edib”.
Apasport.az saytının məlumatına görə, bunu Türkiyə Futbol Federasiyasının prezidenti Nihat Özdəmir deyib.
Koronavirus pandemiyası səbəbindən dayandırılan Türkiyə Super Liqasının aqibəti ilə bağlı Özdəmir bu gün iclas keçirib.
O, Super Liqanın iyunun 12-də bərpa olunacağını açıqlayıb: “Futbolun oynanılması üçün bütün protokollar hazırlanıb. Çempionatımızın tamamlanması üçün bu günə qədər istər gənclər və idman nazirimiz, istərsə də UEFA və FİFA ilə müzakirə apardıq. Artıq bir yol xəritəsi cızmışıq. Hələlik əlimizdə fərqli ssenarilər var. Amma hazırkı durumda Superliqa da daxil olmaqla, bütün liqalarımızı 12-14 iyun tarixlərində bərpa etmək qərarına gəlmişik”.
Özdəmir mövsümün qalan matçlarının keçirilməsi üçün əllərindən gələni edəcəklərini bildirib. Prezident iyulun 26-da Super Liqanı yekunlaşdırmağı planlaşdırdıqlarını əlavə edib: “Həmçinin avqustda da Çempionlar Liqasının final matçını qəbul edəcəyimizə inanıram”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
