“Qarabağ”ın Avropa Liqasının qrup mərhələsində rəqibləri bəlli olub

“Qarabağ”ın Avropa Liqasının qrup mərhələsində rəqibləri bəlli olub
  • Clock-gray 15:39
  • calendar-gray 02 Oktyabr 2020

Azərbaycan çempionu “Qarabağ”ın avrokuboklardakı növbəti rəqibləri bəlli olub.

Apasport.az saytının məlumatına görə, Ağdam təmsilçisinin Avropa Liqasının qrup mərhələsində qarşılaşacağı komandalar İsveçrənin Nyon şəhərindəki püşkatma mərasimində müəyyənləşib.

Qurban Qurbanovun yetirmələri İ qrupunda mübarizə aparacaq. Təmsilçimizin rəqibləri “Vilyarreal” (İspaniya), “Makkabi” (Təl-Əviv, İsrail) və “Sivasspor” (Türkiyə) klubları olacaq.

Oyunlara oktyabrın 22-də start veriləcək. “Qarabağ” qrupda son matçına dekabrın 10-da çıxacaq.

Qeyd edək ki, cari mövsümə Çempionlar Liqasında başlayan Ağdam klubu Şimali Makedoniyanın “Sileks” (4:0), Moldovanın “Şerif” (2:1) və Norveçin “Molde” (0:0, pen.5:6) klubları ilə görüşüb. Avropa Liqasının pley-offunda Polşa “Legiya”sının qonağı olan “Qarabağ” 3:0 hesablı qələbə qazanıb.

ApaSport

Digər xəbərlər