“Mənə görə 4 futbolçunu ilin ən yaxşısı hesab etmək olar”.
Bunu apasport.az saytının Azərbaycanda 2020-ci ilin ən yaxşı futbolçusu sorğusuna cavabında “Keşlə” klubunun baş məşqçisi Yunis Hüseynov deyib.
55 yaşlı mütəxəssis seçim etməkdə çətinlik çəkdiyini bildirib. Çünki Hüseynov bir neçə oyunçunu fərqləndirib: “Qarabağ”ın qapıçısı Şahrudin Məhəmmədəliyev, yarımmüdafiəçisi Abdullah Zubir, “Keşlə”nin müdafiəçisi Azər Salahlı və “Zirə”nin hücumçusu Ağabala Ramazanov ən yaxşılardır. Əgər onlar arasında birini seçmək lazımdırsa, o zaman Şahrudinə üstünlük verirəm”.
Qeyd edək ki, buna qədər Əfran İsmayılov (“Səbail”), Vüsal İsgəndərli (“Keşlə”) və Mehdi Cənnətov (“Sumqayıt”) da ilin ən yaxşı futbolçusu kimi Şahrudin Məhəmmədəliyevi seçib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
