Futbol üzrə Qvatemala çempionatında kütləvi dava olub.
APA-nın məlumatına görə, “Şelaxu” və “Munisipal” komandaları arasında görüşdə baş verənlər 8 qırmızı vərəqə alması ilə nəticələnib.
Matçın baş hakimi 6 futbolçu və 2 baş məşqçini qovmağa məcbur olub. “Şelaxu”nun dörd, “Munisipal”ın iki oyunçusu meydanı tərk edib.
Bu dava iki oyunçu arasında başlayan mübahisədən sonra başlayıb. Meydandakı bütün futbolçular bu davaya qoşulublar. Görüş “Munisipal”ın 2:0 hesablı qələbəsi ilə başa çatıb.