“Azərbaycanda üç ay yarım keçirdim”.
APA-nın məlumatına görə, bunu Bakının “Neftçi” klubunun sabiq futbolçusu Canluka Sansone deyib.
Ötən mövsüm paytaxt klubunda çıxış edən legioner Azərbaycandan ayrılmasının səbəbini açıqlayıb: “Karyeramda dəyişikliklər etmək istəyirdim. İndi də “Neftçi”də çalışan italiyalı baş məşqçi Roberto Bordin mənə zəng vurub, kömək göstərməyimi xahiş etdi. Mən də razılaşdım. Amma geri tez qayıtdım. Çünki orda asan deyildi. Fərqli mədəniyyəti hiss edirdim. Həm də 32 yaşında evli olmamağım mənə çətinlik yaradırdı”.
Qeyd edək ki, hazırda D seriyasının “Audase” klubunda çıxış edən C.Sansone 2019-cu ilin ilk yarısını keçirdiyi “Neftçi”də 11 oyunda 2 qol vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
