Futbol

Ana səhifə

Futbol

“Real” Çempionlar Liqasında antirekorda imza atıb, Serxio Ramos rekorda şərik olub

02 oktyabr 2019 00:21 (UTC +04:00)

İspaniyanın “Real” klubu antirekorda imza atıb.

APA-nın məlumatına görə, Madrid təmsilçisi tarixində ilk dəfə Çempionlar Liqasının startındakı iki oyunda qələbəyə həsrət qalıb.

İlk turda PSJ-yə 0:3 hesabı ilə uduzan Zinəddin Zidanın yetirmələri bu dəfə “Brügge” ilə heç-heçə edib – 2:2.

“Kral klubu”nun ilk qoluna imza atan Serxio Ramos mövsümdə ilk dəfə fərqlənib. Bununla da kapitan ardıcıl 10-cu mövsüm Çempionlar Liqasında qol sevinci yaşayıb.

O, ardıcıl 10 mövsümdə qol vuran 2-ci müdafiəçi olub. S.Ramos Jerar Pikenin rekordunu təkrarlayıb. Lakın “Barselona”lı cari mövsüm qol vurarsa, yenidən önə keçəcək.